kāvyakaṇṭha vāsiṣṭha śrī gaṇapati muni viracitam umāsahasram
Uma Sahasram
caturdaśaḥ stabakaḥ - upagītivṛttam
The fourteenth Stabaka, entitled **Kālī, Gaurī, Kuṇḍalinī ca — “Kālī, Gaurī and Kuṇḍalinī”**, presents these not as separate powers but as **three modes of the one Jagadambā**. Gaurī is described through Her luminous feminine form, Kālī as the vast cosmic power associated with space, time and transformation, and Kuṇḍalinī as that very same Śakti dwelling in every embodied being. The title is therefore exactly justified by the verses: Muni moves from the cosmic identity of Kālī and Gaurī to the intimate yogic presence of the Mother as Kuṇḍalinī, asleep in the ordinary person and awakened in the yogin.
The central verses reveal Muni’s profound yogic vision. He connects Kuṇḍalinī with the rising inner fire from the Mūlādhāra and the descending lunar essence from the head, interpreting **Agni and Soma as complementary manifestations of the Goddess**. She is at once the fire, the Soma, the nectar arising from their union, and the Consciousness that experiences it. The later verses become strikingly personal: Muni marvels at the Mother’s grace despite his own perceived deficiencies in ritual observance and mantra practice, then turns toward the deeper sādhana of seeking the root of *ahaṅkāra*. He explicitly recalls the insight associated with **Ramaṇa Maharṣi — tracing the ego back to its source** — and finally offers his own powerful ego itself as the sacrificial animal at the feet of the Mother.
This Stabaka is especially remarkable for the way Muni unites **Śākta Tantra, Kuṇḍalinī-yoga, Vedic Agni-Soma symbolism, self-enquiry and intensely autobiographical devotion**. His writing shifts naturally from doctrinal definition to mystical experience, self-questioning, humility and surrender. In the compact **Upagīti metre**, profound metaphysics becomes immediate spiritual testimony. The concluding offering of these verses to the Mistress of the house of the One denoted by *Um* fittingly gathers the Stabaka’s central insight: **the cosmic Kālī, the beautiful Gaurī and the awakened Kuṇḍalinī within are one and the same Divine Mother**.
caturdaśaḥ stabakaḥ - upagītivṛttam
kālī gaurī kuṇḍalinī ca
kāraṇamakhilamatīnāṃ vāraṇamantarlasattamasaḥ ।
mandasmitaṃ maheśvarasudṛśo me śreyase bhavatu ॥ 326 ॥
viśvatanustanugātrī vajramayī puṣpasukumārī ।
sarvasya śaktirabalā kālī gauryambikā jayati ॥ 327 ॥
tāmāhurjagadambāṃ gaurīṃ kecit pare kālīm ।
sā gaurī mahilātanurambaratanurucyate kālī ॥ 328 ॥
pācakaśakteḥ kālyāḥ kevalaliṅgena bhidyate kālaḥ ।
yatpākato gabhīrādbhuvane sarve'pi pariṇāmāḥ ॥ 329 ॥
sarvabhuvanāśrayatvāt kālī nāmnā diganyena ।
loke tu vyavaharaṇaṃ viduṣāṃ dikkālayorbhāktam ॥ 330 ॥
digaditiragādyakhaṇḍā pariṇamayitrī smṛtā kālī ।
dakṣasyaikā duhitā sā dve guṇabhedamugdhadṛśām ॥ 331 ॥
dehe dehe seyaṃ kuṇḍalinī nāma jagadambā ।
sā svapiti saṃsṛtimatāṃ yuñjānānāṃ prabuddhā syāt ॥ 332 ॥
mūlādhārādagnirjvalati śirastaḥ śaśī dravati ।
kuṇḍalinīmayi manye vīṇāśayanāt prabuddheyam ॥ 333 ॥
yadbhavati tatra kiṃ tvaṃ kiṃ tatra tvamasi yajjvalati ।
kimu tatrāsi maheśvari yadubhayametadvijānāti ॥ 334 ॥
etāvagnīṣomau jvālābhiścandrikābhirapi ।
āvṛṇutastanumanayorvyaktitvaṃ me paśurbhavatu ॥ 335 ॥
agnistvaṃ somastvaṃ tvamadho jvalasi dravasyūrdhvam ।
amṛtamanayoḥ phalaṃ tvaṃ tasya ca bhoktrī cidamba tvam ॥ 336 ॥
kinnu sukṛtaṃ mayā kṛtamakhileśvari kiṃ tapastaptam ।
krīḍayasi māṃ pratikṣaṇamānandasudhānidhāvantaḥ ॥ 337 ॥
kṣāntaṃ kiṃ mama duritaṃ śāntaṃ kiṃ devi te svāntam ।
anugṛhṇāsi vicitraṃ mām apyaparādhināṃ prathamam ॥ 338 ॥
kāle kāle sandhyārūpā nopāsitā bhavatī ।
vicchinnaḥ smārtāgnistretā kuta eva vahnīnām ॥ 339 ॥
dātuṃ nārjitamannaṃ bahu devebhyaśca bhūtebhyaḥ ।
yatkiñcidārjitaṃ vā kalatraputrānvito'śnāmi ॥ 340 ॥
kaścidapi pāpahārī na puraścaritaśca te mantraḥ ।
kaṃ guṇamabhilakṣya mama prabudhyase'ntarjaganmātaḥ ॥ 341 ॥
tava mayi pṛthaktanūjapremā cetpakṣapāto'yam ।
athavā satāṃ nisargaḥ so'yaṃ tvayi cāmba sambhāvyaḥ ॥ 342 ॥
lakṣyaṃ vinaiva mantraḥ kiṃ siddhayati koṭiśo'pyuktaḥ ।
dadhmastadyadi lakṣyaṃ tava rūpaṃ galati hā mantraḥ ॥ 343 ॥
saṅkalpānāṃ vācāmanubhūtīnāṃ ca yanmūlam ।
yatra prāṇo baddhastallakṣyaṃ devi te rūpam ॥ 344 ॥
naisargikasvavṛtterahaṅkṛtermūlamanviṣya ।
tvāṃ kila sākṣātkurute ramaṇamaharṣeriyaṃ dṛṣṭiḥ ॥ 345 ॥
manye parvatakanye mama seyimahaṅkṛtirmahatī ।
avataratā varṣagaṇairapi tanmūlaṃ na labdhamaho ॥ 346 ॥
eṣa prauḍho bhagavati bahulaṃ garjatyahaṅkāraḥ ।
etasminnayi kāle bhavatī cābodhi kuṇḍalinī ॥ 347 ॥
tava paścātsambhūtiṃ jānāti na so'yamadyāpi ।
prāgiva garjati dhīraṃ bibheti mṛtyorna nediṣṭhāt ॥ 348 ॥
atipuṣṭamahaṅkāraṃ paśumetaṃ tubhyamarpayate ।
pramathapatiprāṇeśvari gaṇapatirekāntabhakto'yam ॥ 349 ॥
upagītayo gaṇapaterupatiṣṭhantāmimāḥ prītyā ।
utsavasahasralolāmukāravācyasya gṛhanāthām ॥ 350 ॥