Indra Kataksha Stabakah
IAST English
Indra- The Sovereign Supreme King of The Universe
Indra Katākṣa Stabakam – Brief Introduction
Indra Katākṣa Stabakam is a devotional hymn composed by Kāvyakaṇṭha Vasiṣṭha Sri Ganapati Muni in praise of Bhagavān Indra’s gracious glance. Sri Ganapati Muni intended to compose 1000 verses on Bhagavān Indra, just as he composed 1000 verses on Umā in Umā Sahasram. However, for some reason, this great work remained incomplete, and he completed 125 verses.
This Katākṣa Stabaka is part of that composition. In these verses, Muni prays for Indra’s divine glance — a glance that protects, purifies, removes suffering, grants strength, wisdom, prosperity, noble qualities, and finally reveals the hidden inner light. The hymn presents Indra not merely as the lord of the heavens, but as a powerful divine force whose grace uplifts the devotee and supports the welfare of the world.
॥ kāvyakaṇṭha vāsiṣṭha śrīgaṇapatimuni viracitam indra kaṭākṣastabakaḥ ॥
taṃ daśaśatākṣaṃ śītalakaṭākṣam ।
naumi dhutapāśaṃ vajradharamīśam ।। 1 ।।
ugramapi dakṣaṃ bhāsurakaṭākṣam ।
vīryadhutavṛtraṃ naumyaditiputram ।। 2 ।।
ārtajanapakṣaṃ rakṣakakaṭākṣam ।
prāṇigaṇatātaṃ naumi puruhūtam ।। 3 ।।
devamasadṛkṣaṃ pāvanakaṭākṣam ।
naumi bahumāyaṃ vāsavamameyam ।। 4 ।।
taṃ puruṣamīḍe stutyagaṇalakṣam ।
svarbhuvanarājñī mohanakaṭākṣam ।। 5 ।।
yatra tava dṛṣṭirvajradhara hṛdyā ।
navyayugakarmī tatra varavidyā ।। 6 ।।
tatra varalakṣmīḥ santatamaśūnyā ।
tatra suguṇānāṃ sampadapi mānyā ।। 7 ।।
tatra balamugraṃ śatrumadahāri ।
tatra nayavittvaṃ viśvahitakāri ।। 8 ।।
yaṃ tava balāre pāvayati dṛṣṭiḥ ।
tatra naravarye sarvaśubhavṛṣṭiḥ ।। 9 ।।
yatra tava pūrṇā dṛṣṭiratibhadrā ।
bhedaśatabuddhistasya na daridrā ।। 10 ।।
kiṃ nu sukṛtādī kiṃ duritakhādī ।
śakra tava rakṣaḥ sūdanakaṭākṣaḥ ।। 11 ।।
bhaktirasikānāṃ pāpatatikhādī ।
so’yamitareṣāṃ pakvasukṛtādī ।। 12 ।।
pāpatatikhādī yatra sa kṛpāvān ।
tasya hṛdi bodhaḥ sarvasamatāvān ।। 13 ।।
tasya jagadarthe sarvamapi kāryam ।
adbhutamapāraṃ divyamapi vīryam ।। 14 ।।
pakvasukṛtādī yatra savicitraḥ ।
tasya khalu bhogaḥ kāmamatimātraḥ ।। 15 ।।
ye giriśanāmnā ye ca harināmnā ।
ye gaṇapanāmnā ye ca ravināmnā ।। 16 ।।
śaktiriti nāmnā ye bahuladhāmnā ।
ye ca matimanto yahva iti nāmnā ।। 17 ।।
tvāmayi bhajante bhaktyatiśayena ।
sarvasurarūpaṃ bhūri vibhavena ।। 18 ।।
teṣvapi divo bhūnātha tava dakṣāḥ ।
bhaktajanarak ṣā dīkṣitakaṭākṣāḥ ।। 19 ।।
tvatpadamajānannapyaja pavitram ।
maṅgalaguṇaste dṛkpatanapātram ।। 20 ।।
dṛṣṭivaśataste preṣṭhaphaladhārā ।
saṃśritakuleṣvapyapratimasārā ।। 21 ।।
pāvanakaṭākṣaiḥ saṃśamaya pāpam ।
śītalakaṭākṣaiḥ śakra mama tāpam ।। 22 ।।
maṅgalakaṭākṣaiḥ sādhaya mameṣṭam ।
kiṃ ca vibudhānāṃ nātha hara kaṣṭam ।। 23 । ।
bhāsurakaṭākṣairbhāsayatu mahyam ।
nākanaranātho jyotiratiguhyam ।। 24 ।।
।। iti śrībhagavanmaharṣiramaṇāntevāsino vāsiṣṭhasya narasiṃhasūnorgaṇapateḥ kṛtiḥ indra kaṭākṣastabakaḥ samāptam ।।