॥ కావ్యకణ్ఠ వాసిష్ఠ శ్రీగణపతిముని విరచితమ్ శ్రీగురుస్తుతిః ॥

యో బభాణాభణన్నేవ మునిభ్యో బ్రహ్మ నిర్ద్వయమ్ ।

దక్షిణామూర్తయే తస్మై ప్రజ్ఞానగురవే నమః ॥౧॥

స్థాపితం బ్రహ్మనిష్ఠేన యేనాద్వైతమతం భువి ।

తస్మై శఙ్కరసంజ్ఞాయ విజ్ఞానగురవే నమః ॥ ౨॥

అంశావతారః స్కందస్య విశ్వాచార్యో విదాం వరః ।

ప్రణమ్యతే మహాభాగో రమణో భగవానృషిః ॥ ౩ ॥

దక్షిణామూర్తిసారంభాం శఙ్కరాచార్యమధ్యమామ్ ।

రమణాచార్యపర్యంతాం వందే గురుపరంపరామ్ ॥౪॥

తిమిరాణి న కేవలం వచోభిః కరుణాపాంగవిలోకితైశ్చ నృణామ్ ।

హృదయే ప్రసరంతి మర్దయంతం భగవంతం రమణం గురుం నమామి ॥౫॥

॥ ఇతి శ్రీభగవన్మహర్షిరమణాంతేవాసినో వాసిష్ఠస్య నరసింహసూనోః గణపతేః కృతిః శ్రీగురుస్తుతిః సమాప్తా ॥