॥ కావ్యకణ్ఠ వాసిష్ఠ శ్రీగణపతిమునివిరచితమ్ గణపతి గీతమ్ ॥

భద్ర తరమూర్తిం భద్ర తమకీర్తిం।

రుద్రతనయం తం గాయత మహాంతమ్॥ 1

జ్యోతిరిహ సూక్ష్మజ్వాల మతి దీప్తమ్ ।

భాతి కులకుండే యోగి మనుజూప్తమ్ ॥ 2

తన్నమత వాచోదైవతముదారమ్ ।

సంకటశతానాం యాతుమిహపారమ్ ॥ 3

తం గణపతిం యో విస్మరతి లోకే ।

సంతత మభాగ్యో మజ్జతి స శోకే ॥ 4

దంపతి విహారః శీత శశిఖండే ।

నందన నివాసో దీప్తకులకుండే ॥ 5

మిత్రకురు భక్తిం విశ్వయువరాజే ।

దేహి హృదముష్మై యోగినుతిభాజే ॥ 6

అత్ర సశరీరే మూలశిఖిరూపీ।

యోగవిముఖో నా విందతి న పాపీ॥ 7

ధ్యాయతి సదాంతర్యోऽగ్ర భుజమేతమ్ ।

తం భజతి దేవీ సిద్ధిరతి పూతమ్ ॥ 8

తస్య వరభాసా సంద్రవతి శీర్షమ్ ।

యస్య పరితప్తం విందతి సహర్షం॥ 9

యోగవిద ఆహుః శీర్షరసధారామ్ ।

సిద్ధిశతహేతుం తామముృతసారామ్ ॥ 10

పీఠమధిరూఢం మూలసరసీజం ।

సర్వభువనానాం నౌమి యువరాజమ్ ॥ 11

కాచన రుచిస్తే భర్గసుత పూతా ।

మంగళ సుషుమ్నామార్గచరమాతా ॥ 12

భాగ్య మఖిలానాం దేవ తవ హస్తే ।

భూరి మహిమానం వర్ణయతుకస్తే॥ 13

హస్తి వదనో నా సత్త్వమధి దైవమ్ ।

సంకటహరార్యై సంగదితమేవమ్ ॥ 14

త్వత్పద సరోజే యస్యహృదిభక్తి: ।

కాపి శివసూనో తద్వచసి శక్తి: ॥ 15

త్వంఖలు మఘోనో ధూత సుజనార్తిః ।

అత్ర ఖలు కాచిత్కార్యకర మూర్తి ॥ 16

త్వాం భజతి గాఢప్రీతిరతిశస్తా ।

సిద్ధిరితి లక్ష్మీస్తామరస హస్తా ॥ 17

సంశ్రియముదారాం శ్రీ హృదయహారీ ।

సంవితరతాన్మే సర్వబలధారీ ॥ 18

శీతనగజాయా: సూనురతి హృద్యాం ।

భూరికరుణోమే పూరయతు విద్యామ్॥ 19

వారణముఖో మే వారయతు కష్టమ్ ।

సర్వమపి దేయాచ్ఛర్వసుత యిష్టమ్ ॥ 20

మాం చరణభాజం పాపహరనామా ।

పాలయతు శంభో: సూనురతిధామా ॥ 21

నిర్జితజరాధిం నిర్దళితరోగమ్ ।

దంతివదనో మే వర్ధయతు యోగమ్ ॥ 22

సుక్షమతమం మే కష్టహిమభానో ।

ప్రాణబలమగ్ర్యం దేహి హరసూనో ॥ 23

వాచి మమ దివ్యాం దేహి నిజధాటీమ్ ।

సిద్ధిమజితాస్యై దేహి వరచేటీమ్ ॥ 24

హస్తిముఖ యాచే గాఢరసభక్త్యా ।

ఆవిశ విభో మాం దివ్యనిజశక్త్యా ॥ 25

దేహి నిజతేజః కింకరజనాయ ।

ఈశ్వర గణానాం భారతహితాయ ॥ 26

సర్వద జనోऽయం వాంఛతి న ముక్తిమ్ ।

దేశ కుశలాయ ప్రార్థయతి శక్తిమ్ ॥ 27

గాణపతమేతద్గీతమతి శుద్ధమ్ ।

భాతు భయహారి చ్ఛందసి నిబద్ధమ్ ॥ 28

॥ ఇతి శ్రీ భగవన్మహర్షి రమణాంతే వాసినో వాసిష్ఠస్య నరసింహ సూనోర్గణపతేః

కృతా 'గణపతి గీతమ్’ సంపూర్ణం ॥