॥ కావ్యకణ్ఠ వాసిష్ఠ శ్రీగణపతిముని విరచితమ్ శ్రీతారకరామనామస్తుతిః ॥

దశరథనందన దశరథనందన దశరథనందన దాశరథే ।

దశరథనందన దశరథనందన దశరథనందన దాశరథే ॥ ౧ ॥

నిర్గుణ నిష్కల నిత్యనిరంజన నిర్గతమత్సర గమ్యవిభో ।

దశరథనందన దశరథనందన దశరథనందన దాశరథే ॥ ౨ ॥

సంసారేఽస్మిన్ నిర్గతసారే పాహి విపారే దశవదనారే ।

దశరథనందన దశరథనందన దశరథనందన దాశరథే ॥ ౩ ॥

సర్వసమత్వం సర్వహితత్వం సత్సంగత్వం దేహి విభో మే ।

దశరథనందన దశరథనందన దశరథనందన దాశరథే ॥ ౪ ॥

జననక్లేశమ్ మరణక్లేశమ్ నాశయ గమనాగమనక్లేశమ్ ।

దశరథనందన దశరథనందన దశరథనందన దాశరథే ॥ ౫ ॥

కో మే పుత్రః కా మే జాయా మాయా సేయం పాహి విభో మామ్ ।

దశరథనందన దశరథనందన దశరథనందన దాశరథే ॥ ౬ ॥

సనకసనందనసంస్తుతచరితం జానీతే త్వాం గోగుణరహితమ్ ।

దశరథనందన దశరథనందన దశరథనందన దాశరథే ॥ ౭ ॥

నాస్తి వపుస్తే నాస్తి తవాఖ్యా నాస్తి చ కర్మ స్వస్తిద విష్ణో ।

దశరథనందన దశరథనందన దశరథనం౦దన దాశరథే ॥ ౮ ॥

మాయా కల్పితమిదమఖిలం తే రూపం కర్మ చ నామ చ వివిధమ్ ।

దశరథనందన దశరథనందన దశరథనందన దాశరథే ॥ ౯ ॥

నామ తు రామేత్యమలమిదం తే తారకం ఋషయః పరిభాషంతే ।

దశరథనందన దశరథనందన దశరథనందన దాశరథే ॥ ౧౦ ॥

చతురాస్యస్త్వం చక్రధరస్త్వం పరమేశస్త్వం పరమాత్మా త్వమ్ ।

దశరథనందన దశరథనందన దశరథనందన దాశరథే ॥ ౧౧ ॥

తత్త్వసమూహాదుపరి లసంతం పురుషం సాంఖ్యాః ప్రవదంతి త్వామ్ ।

దశరథనందన దశరథనందన దశరథనందన దాశరథే ॥ ౧౨ ॥

దశశతపత్రే దశముఖశత్రో యోగవిదస్త్వామాలోకంతే ।

దశరథనందన దశరథనందన దశరథనందన దాశరథే ॥ ౧౩ ॥

జైమినిముఖ్యాః కర్మఫలం త్వాం దేవ వదంతో నందంతి స్మ ।

దశరథనందన దశరథనందన దశరథనందన దాశరథే ॥ ౧౪ ॥

వేదాంతే యే నిష్ఠితమతయః తే ప్రాహుస్త్వామేకమభేదమ్ ।

దశరథనందన దశరథనందన దశరథనందన దాశరథే ॥ ౧౫ ॥

గణపతికవినా రచితం స్తోత్రం లలితం ప్రీత్యై భవతో భూయాత్ ।

దశరథనందన దశరథనందన దశరథనందన దాశరథే ॥ ౧౬ ॥

॥ ఇతి శ్రీభగవన్మహర్షిరమణాంతేవాసినో వాసిష్ఠస్య

నరసింహసూనోర్గణపతేః కృతా ‘శ్రీతారకరామనామస్తుతిః’ సంపూర్ణమ్ ॥