॥ ಕಾವ್ಯಕಣ್ಠ ವಾಸಿಷ್ಠ ಶ್ರೀಗಣಪತಿಮುನಿ ವಿರಚಿತಮ್ ಶ್ರೀಗುರುಸ್ತುತಿಃ ॥

ಯೋ ಬಭಾಣಾಭಣನ್ನೇವ ಮುನಿಭ್ಯೋ ಬ್ರಹ್ಮ ನಿರ್ದ್ವಯಮ್ ।

ದಕ್ಷಿಣಾಮೂರ್ತಯೇ ತಸ್ಮೈ ಪ್ರಜ್ಞಾನಗುರವೇ ನಮಃ ॥೧॥

ಸ್ಥಾಪಿತಂ ಬ್ರಹ್ಮನಿಷ್ಠೇನ ಯೇನಾದ್ವೈತಮತಂ ಭುವಿ ।

ತಸ್ಮೈ ಶಙ್ಕರಸಂಜ್ಞಾಯ ವಿಜ್ಞಾನಗುರವೇ ನಮಃ ॥ ೨॥

ಅಂಶಾವತಾರಃ ಸ್ಕಂದಸ್ಯ ವಿಶ್ವಾಚಾರ್ಯೋ ವಿದಾಂ ವರಃ ।

ಪ್ರಣಮ್ಯತೇ ಮಹಾಭಾಗೋ ರಮಣೋ ಭಗವಾನೃಷಿಃ ॥ ೩ ॥

ದಕ್ಷಿಣಾಮೂರ್ತಿಸಾರಂಭಾಂ ಶಙ್ಕರಾಚಾರ್ಯಮಧ್ಯಮಾಮ್ ।

ರಮಣಾಚಾರ್ಯಪರ್ಯಂತಾಂ ವಂದೇ ಗುರುಪರಂಪರಾಮ್ ॥೪॥

ತಿಮಿರಾಣಿ ನ ಕೇವಲಂ ವಚೋಭಿಃ ಕರುಣಾಪಾಂಗವಿಲೋಕಿತೈಶ್ಚ ನೃಣಾಮ್ ।

ಹೃದಯೇ ಪ್ರಸರಂತಿ ಮರ್ದಯಂತಂ ಭಗವಂತಂ ರಮಣಂ ಗುರುಂ ನಮಾಮಿ ॥೫॥

॥ ಇತಿ ಶ್ರೀಭಗವನ್ಮಹರ್ಷಿರಮಣಾಂತೇವಾಸಿನೋ ವಾಸಿಷ್ಠಸ್ಯ ನರಸಿಂಹಸೂನೋಃ ಗಣಪತೇಃ ಕೃತಿಃ ಶ್ರೀಗುರುಸ್ತುತಿಃ ಸಮಾಪ್ತಾ ॥