kāvyakaṇṭha vāsiṣṭha śrī gaṇapati muni viracitam umāsahasram
Uma Sahasram
ekonaviṃśaḥ stabakaḥ - pramāṇikāvṛttam
The nineteenth Stabaka, entitled **Dhyeya-lalitā-rūpam — “The Beautiful Form of the Goddess to be Meditated Upon”**, gives a systematic visualization of Umā for meditation. After invoking the purifying and awakening power of Her smile, Śrī Gaṇapati Muni describes Her sacred form in finely ordered detail—from the feet, anklets and legs through the waist, navel, breasts, arms, smile, lips, teeth, nose, cheeks, eyes and hair, up to Her radiant crown. The title is therefore fully justified: this is not merely a poetic beauty-description, but a carefully constructed **dhyāna-rūpa**, a complete contemplative image in which the devotee may mentally install the Goddess.
The Stabaka then expands beyond physical form to reveal Her **cosmic and inner dimensions**. She moves through space, rests in the Kula-fire, governs strength in the heavens, action on earth, radiance in the sun and rasa in the moon; She illumines the house of Śiva, measures the three worlds, rules over all heads and dwells in every heart. Thus the visible Lalitā-form becomes inseparable from universal Śakti. Muni also emphasizes that repeated praise deepens awareness of Her qualities, while repeated contemplation awakens distinctive inner powers—showing that this form is intended not only for aesthetic appreciation but for **sādhana and transformation**.
Muni’s poetic mastery is especially evident in the dense, highly patterned **Pramāṇikā metre**. He sustains rapid compounds, precise bodily imagery, repeated structural parallels and vivid similes without losing devotional intensity. The Stabaka reveals his expertise in **dhyāna-śāstra, Śākta iconography, yogic symbolism and ornate Sanskrit kāvya**. The concluding verse fittingly calls the composition a *Pramāṇikā-āvalī*, a garland of Pramāṇikā verses offered by the poet at the Goddess’s lotus feet, praying that the Mistress of Maheśa’s heart may bring great auspiciousness to his home.
ekonaviṃśaḥ stabakaḥ - pramāṇikāvṛttam
dhyeyalalitārūpam pramāṇikāvṛttam
praphullakalpapādapaprasūnasadyaśoharam ।
mahārujaṃ dhunotu te maheśasundarīsmitam ॥ 451 ॥
munīndramūlavedibhūdhananjayaprabodhanam ।
yatīndrahārdapeṭikākavāṭabandhabhedanam ॥ 452 ॥
yathāvidhikriyāparadvijāticittaśodhanam ।
mamāmbikāsmitaṃ bhavatvaghapratāparodhanam ॥ 453 ॥
suvarṇasālabhañjikā careva śobhayā'dhikā ।
atīva mārdavānvitā naveva puṣpitā latā ॥ 454 ॥
suparvamauliratnabhāvirājihemapādukā ।
marālikānimantrakpraśastaratnanūpurā ॥ 455 ॥
valakṣadīdhitiprabhāviśeṣahṛnnakhāvalī ।
munīndraśuddhamānasaprameyapādasauṣṭhavā ॥ 456 ॥
ghanībhavattaṭitprabhāpravāhakalpajaṅghikā ।
mataṅgajendranāsikā manojñasakthiśobhinī ॥ 457 ॥
prasūnasāyakāgamapravādacuñcukāñcikā ।
viśālakeśacumbitollasannitambamaṇḍalā ॥ 458 ॥
ajāṇḍapiṇḍasaṃhatiprapūrṇakukṣiśālinī ।
apāradivyakāntivārnidhānanābhidīrghikā ॥ 459 ॥
bisaprasūnasāyakacchurābharomarājikā ।
jagattrayīvasajjanopajīvyadugdhabhṛtkucā ॥ 460 ॥
maheśakaṇṭhabandhakapraśastabāhuvallarī ।
samastaviṣṭapābhayapradāyipāṇipaṅkajā ॥ 461 ॥
vilolahāramauktikapratānasaṃvadatsmitā ।
viśuddhasundarasmitaprakāśabhāsitāmbarā ॥ 462 ॥
sukomalōṣṭhakampanaprabhītadurjayāsurā ।
suyuktakundakuṭmalaprakāśadantapaṅktikā ॥ 463 ॥
śaratsudhāṃśumaṇḍalaprabhāvigarhaṇānanā ।
sudhāmarandavajjapāsumopamādharādharā ॥ 464 ॥
tilaprasūnacārutā'pahāsibhāsināsikā ।
navīnabhābhanāsikāvilambidivyamauktikā ॥ 465 ॥
viśuddhagaṇḍabimbitasvarūparatnakuṇḍalā ।
mahāmahastaraṅgitaprabhāvaśālilocanā ॥ 466 ॥
dalāntarasthayāminīprabhuprabhālikasthalī ।
mayūrabarhagarhaṇaprakṛṣṭakeśabhāsinī ॥ 467 ॥
divākarāyutojjvalā himāṃśulakṣaśītalā ।
taṭitsahasrabhāsurā niraṅkacandraśekharā ॥ 468 ॥
nabhontarālacāriṇī mahāvicitrakāriṇī ।
kulāgnikuṇḍaśāyinī jagatkathāvidhāyinī ॥ 469 ॥
nabhastale baleśvarī dharātale kriyeśvarī ।
divākare vibheśvarī sudhākare raseśvarī ॥ 470 ॥
maheśaveśmadīpikā jagattrayapramāpikā ।
aśeṣaśīrṣaśāsinī samastahṛnnivāsinī ॥ 471 ॥
guṇastave guṇastave guṇaprakarṣadāyinī ।
vicintane vicintane viśiṣṭaśaktidhāyinī ॥ 472 ॥
bhramākulena dustarā bhavālasena durgamā ।
amantrakeṇa durbharā jagattrayeṇa durjayā ॥ 473 ॥
suvarṇaceladhāriṇī samastamodakāriṇī ।
vilāsinī nirāmayā vicintyatāṃ manastvayā ॥ 474 ॥
padābjavandinaḥ kaveriyaṃ pramāṇikāvalī ।
maheśamānaseśvarī gṛhe mahāya kalpatām ॥ 475 ॥