Ganapati Gitam
IAST English
Bhagavan Ganapati - The Supreme Power of Speech, Intellect & Wisdom
Ganapati Gītam is a luminous hymn composed by Kāvyakaṇṭha Vasiṣṭha Śrī Gaṇapati Muni in praise of Lord Gaṇapati, the divine son of Lord Śiva and the remover of obstacles. The hymn presents Gaṇapati not merely as the deity of auspicious beginnings, but also as the subtle spiritual power shining in the mūlādhāra, guiding the seeker through the inner path of Yoga.
Through its compact and powerful verses, Ganapati Gītam invokes Lord Gaṇapati as the source of wisdom, strength, protection, eloquence, and spiritual accomplishment. It beautifully combines devotion, mantra-śakti, yogic symbolism, and a heartfelt prayer for the welfare of Bhārata.
The short and sweet verses reveal profound insights into the spiritual journey. Daily recitation of this stotra can bring clarity, confidence, inner strength, and auspicious progress to students, employees, businesspersons, spiritual seekers, and all sincere devotees. It is a deeply meaningful composition that inspires both worldly excellence and spiritual growth.
॥ kāvyakaṇṭha vāsiṣṭha śrīgaṇapatimuni viracitam Gaṇapatigītam ॥
bhadrataramūrtim bhadratamakīrtim ।
rudratanayaṃ taṃ gāyata mahāntam ॥ 1॥
jyotiriha sūkṣmajvālamatidīptam ।
bhāti kulakuṇḍe yogimanujāptam ॥ 2॥
tannamata vāco daivatamudāram ।
saṅkaṭaśatānāṃ yātumiha pāram ॥ 3॥
taṃ gaṇapatiṃ yo vismarati loke ।
santatamabhāgyo majjati sa śoke ॥ 4॥
dampativihāraḥ śītaśaśikhaṇḍe ।
nandananivāso dīptakulakuṇḍe ॥ 5॥
mitra kuru bhaktiṃ viśvayuvarāje ।
dehi hṛdamuṣmai yoginutibhāje ॥ 6॥
atra saśarīre mūlaśikhirūpī ।
yogavimukho nā vindati na pāpī ॥ 7॥
dhyāyati sadāntaryo’grabhujametam ।
taṃ bhajati devī siddhiratipūtam ॥ 8॥
tasya varabhāsā sandravati śīrṣam ।
yasya paritaptaṃ vindati saharṣam ॥ 9॥
yogavida āhuḥ śīrṣarasadhārām ।
siddhiśatahetuṃ tāmamṛtasārām ॥ 10॥
pīṭhamadhirūḍhaṃ mūlasarasījam ।
sarvabhuvanānāṃ naumi yuvarājam ॥ 11॥
kācana ruciste bhargasuta pūtā ।
maṅgalasuṣumnāmārgacaramātā ॥ 12॥
bhāgyamakhilānāṃ deva tava haste ।
bhūri mahimānaṃ varṇayatu kaste ॥ 13॥
hastivadano nā satvamadḥidaivam ।
saṅkaṭaharāryaiḥ saṅgaditamevam ॥ 14॥
tvatpadasaroje yasya hṛdi bhaktiḥ ।
kā’pi śivasūno tadvacasi śaktiḥ ॥ 15॥
tvaṃ khalu maghono dhūtasujanārtiḥ ।
atra bhuvi kācitkāryakaramūrtiḥ ॥ 16॥
tvāṃ bhajati gāḍhaprītiratiśastā ।
siddhiriti lakṣmīstāmarasahastā ॥ 17॥
saśriyamudārāṃ śrīhṛdayahārī ।
saṃvitaratānme sarvabaladhārī ॥ 18॥
śītanagajāyāḥ sūnuratihṛdyām ।
bhūrikaruṇo me pūrayatu vidyām ॥ 19॥
vāraṇamukho me vārayatu kaṣṭam ।
sarvamapi deyāccharvasuta iṣṭam ॥ 20॥
māṃ caraṇabhājaṃ pāpaharanāmā ।
pālayatu śambhoḥ sūnuratidhāmā ॥ 21॥
nirjitajarādhiṃ nirdalitarogam ।
dantivadano me vardhayatu yogam ॥ 22॥
sukṣamatamaṃ me kaṣṭahimabhāno ।
prāṇabalamagryaṃ dehi harasūno ॥ 23॥
vāci mama divyāṃ dhehi nijadhāṭīm ।
siddhimajitāsyai dehi varaceṭīm ॥ 24॥
hastimukha yāce gāḍharasabhaktyā ।
āviśa vibho māṃ divyanijaśaktyā ॥ 25॥
dehi nijatejaḥ kiṅkarajanāya ।
īśvara gaṇānāṃ bhāratahitāya ॥ 26॥
sarvada jano’yaṃ vāñchati na muktim ।
deśakuśalāya prārthayati śaktim ॥ 27॥
gāṇapatametadgītamatiśuddham ।
bhātu bhayahāri cchandasi nibaddham ॥ 28॥
॥ iti śrībhagavanmaharṣiramaṇāntevāsino vāsiṣṭhasya
narasiṃhasūnorgaṇapateḥ kṛtā ‘gaṇapati gītam’ sampūrṇam ॥