Kavyakantha Sri Ganapati Muni's
Indrani Saptasati
tṛtīyamānuṣṭubhaṃ śatakam - prathamaḥ pathyāvaktra stabakaḥ
This Stabaka is one of the most philosophical and metaphysical portions of Indrāṇī Saptasatī. Śrī Gaṇapati Muni invokes the smile of the Supreme Śakti to remove confusion, because from Her alone this wondrous universe expands.
Here, Indrāṇī is not presented merely as the queen of heaven, but as Cit-Śakti, the conscious power present in all beings, in all states, at all times. The Muni explains the unity of the Divine and Śakti: the Supreme is praised by names such as Indra, Īśa, and Vāsudeva, while the same power is adored as Śacī, Śivā, and Mahālakṣmī. The apparent difference exists only for practical expression; in truth, the Reality is one.
The Stabaka deeply examines the relation between the knower, knowledge, inner consciousness, and its many branches. Just as many waves may arise in one ocean, many individual knowers appear in the one ocean of consciousness, yet the underlying Reality is never divided. The Mother, as the collective Consciousness, is not different from Brahman, from the gods, or from individual souls.
Śrī Gaṇapati Muni further explains creation through the subtle “seeds” of beings hidden in the inner Self. Before manifestation, all beings exist undivided in Her. The universe is Her expression, whether understood as beginningless or as newly projected by the power of Consciousness. As dreams arise from individual consciousness, the universe arises from the vast collective Consciousness of the Mother.
The Stabaka reaches its highest declaration in verse 220: “You are Brahman, You are Parāśakti, You are all the deities, You are the jīva, You are the entire universe; apart from You, nothing exists.” The world is not an illusion like a snake imagined on a rope; rather, its relation to the Mother is like that of clay and pot — the form is dependent on Her, but not separate from Her.
The Stabaka concludes with a prayer that the eternal Śakti flowing in Gaṇapati Muni’s body may act for the protection of afflicted Bhārata.
Highlights: Cit-Śakti as the source of the universe; unity of Brahman and Śakti; harmony of Indra, Īśa, Vāsudeva, Śacī, Śivā, and Mahālakṣmī; creation as manifestation from undivided consciousness; the universe as the Mother’s own vibhūti; prayer for Bhārata’s protection.
Indro Viśvasya Rājati
॥ atha tṛtīyamānuṣṭubhaṃ śatakam ॥
॥ prathamaḥ pathyāvaktra stabakaḥ ॥
hasitaṃ tanmahāśakte
rasmākaṃ haratu bhramam ।
yata eva mahaccitraṃ
viśvametadvijṛmbhate ।। 201 ।।
rājant ī sarvabhūteṣu
sarvāvasthāsu sarvadā ।
mātā sargasya citpāyāt
paulomī bhāratakṣitim ।। 202 ।।
dharmijñānaṃvibhostattvaṃ
dharmojñānaṃ savitrite ।
vyavahṛtyai vibhāgoऽyaṃ
vastvekaṃ tattvato yuvām ।। 203 ।।
indreśavāsudevādyaiḥ
padaiḥ saṅkīrtyate vibhuḥ ।
śacī śivā mahālakṣmī
pramukhairbhavatī padaiḥ ।। 204 ।।
antaraṃ vastuno jñātṛ
tacchaktaṃ paricakṣate ।
śākhāḥ samantato jñānaṃ
śaktiṃ saṅkīrtayanti tām ।। 205 ।।
antarasya ca śākhānām
aikyaṃ nirviṣayasthitau ।
viṣayagrahaṇeṣveva
savibhāgaḥ pradṛśyate ।। 206 ।।
syādevaṃ viṣayāpekṣī
śākhānāmantarasya ca ।
avibhaktaikarūpāṇāṃ
vibhāgo haritāmiva ।। 207 ।।
lakṣyamantarvayaṃ cakre
dhyāyāmo yatra niṣṭhitāḥ ।
antarībhāvatastasya
nāntaraṃ tu vilakṣaṇam ।। 208 ।।
ahaṅkṛtervayaṃ nānye
yatrāhaṅkṛtisambhavaḥ ।
sampadyetāntaraṃ tatra
jñānasya jñātṛtāvaham ।। 209 ।।
antarāvartabhūyastvād
ekasmin bodhasāgare ।
boddhāro bahavoऽbhūvan
vastu naiva tu bhidyate ।। 210 ।।
cidrūpe mātarevaṃ tvaṃ
parasmādbrahmaṇo yathā ।
na devi devatātmabhyo
jīvātmabhyaśca bhidyase ।। 211 ।।
samastabhūtabījānāṃ
gūḍhānāmantarātmani ।
tavodgāroऽyamākāśo
mātassūkṣmarajomayaḥ ।। 212 ।।
na sarvabhūtabījāni
vastūni syuḥ pṛthak pṛthak ।
tvayi prāgavibhaktāni
babhūvuriti viśrutiḥ ।। 213 ।।
yathāmbasmṛtibījānāṃ
prajñāyāmaviśeṣataḥ ।
tathā syādbhūtabījānām
avibhaktasthitistvayi ।। 214 ।।
nāṇūni bhūtabījāni
prāksargāttvayi saṃsthitau ।
citiśaktyātmakānyeva
nirākārāṇi sarvathā ।। 215 ।।
anādi cedidaṃ viśvaṃ
smaraṇṇāttava sarjanam ।
sādi cedādimaḥ sargo
vaktavyastava kalpanāt ।। 216 ।।
vidhātuṃ śaknuyātsaṃ
vidabhūtasyāpi kalpanam ।
kalpitasyaikadā bhūyaḥ
sarjanāvasare smṛtiḥ ।। 217 ।।
citerasmādṛśāṃ vīryaṃ
svapne cedviśvakāraṇam ।
citessamaṣṭibhūtāyāḥ
prabhāve saṃśayaḥ kutaḥ ।। 218 ।।
mātassamaṣṭicidrūpe
vibhūtirbhuvanaṃ tava ।
iha vyaṣṭi śarīreṣu
bhāntī tadanupaśyasi ।। 219 ।।
tvaṃ brahma tvaṃ parāśakti
stvaṃ sarvā api devatāḥ
tvaṃ jīvastvaṃ jagatsarvaṃ
tvadanyannāsti kiñcana ।। 220 ।।
satī cidamba naiva tvaṃ
bhāvābhāvavilakṣaṇā ।
śaktiśaktimatorbheda
darśanādeṣa vibhramaḥ ।। 221 ।।
tavāmba jagataścāsya
mṛttikāghaṭayoreva ।
sambandho veditavyaḥ
syānna rajjuphaṇinoriva ।। 222 ।।
tvaṃ śaktirasyavicchinnā
bhāvairātmavibhūtibhiḥ ।
antarāstu mahendrasya
śaktasya pratibimbavat ।। 223 ।।
śaktirgaṇapateḥ kāye
pravahantī sanātanī ।
bhāratasya kriyādasya
bādhyamānasya rakṣaṇam ।। 224 ।।
imāni tattvavādīni
vāsiṣṭhasya mahāmuneḥ ।
pathyāvaktrāṇi sevantām
anantāmabhavāṃ citim ।। 225 ।।
॥ iti prathamaḥ stabakaḥ ॥