Ambika Gitam
IAST English
The Hymn Of Universal Mother
Introduction to Ambika Gitam
Ambika Gītam is a melodious and rhythmic hymn composed by Kavyakantha Vasistha Sri Ganapati Muni. In this beautiful Gītam, Śrī Ganapati Muni expresses Ambikā as the Supreme Divine and as the Universal Mother. The very word 'Ambikā' means “Mother,” and here She is adored as the Divine Mother who pervades, protects, nourishes, and guides all beings. The central theme of *Ambikā Gītam* is the meaning and presence of 'Daivam' — the Divine.
Through every verse, Muni poetically defines what 'Daivam' is, where 'Daivam' is, and how 'Daivam' reveals itself in the universe. He shows that the Divine is not confined to one place or form, but is present in the sun, moon, lightning, sky, earth, wind, waters, mountains, forests, villages, cities, and within the very life-force of all beings.
In a subtle and inspiring way, this hymn guides us to witness the presence of 'Daivam' all around us. It invites the devotee to see Ambikā not only as a deity to be worshipped, but as the living Divine Power shining through the entire creation. This vision of the all-pervading Divine Mother is the central message of Ambikā Gītam.
If you have found inspiration, insight, or spiritual benefit through this effort, please consider supporting the preservation, publication, translation, and dissemination of the invaluable works of Kāvyakaṇṭha Śrī Ganapati Muni, so that his luminous Vedic wisdom may continue to inspire and benefit sincere seekers around the world.
॥ kāvyakaṇṭha vāsiṣṭha śrīgaṇapatimuniviracitam ambikāgītam ॥
sevakapātakaśamanaṃ daivaṃ mānasavāñchitaphaladaṃ daivam ।
sajjanarakṣaṇacaturaṃ daivaṃ durjanamardanaparuṣaṃ daivam ॥ 1॥
bhāskarabimbe dīptaṃ daivaṃ locanamadhye suptaṃ daivam ।
sitakaramaṇḍalaguptaṃ daivaṃ triguṇitabhuvanavyāptaṃ daivam ॥ 2॥
bahuśataceṭīsahitaṃ daivaṃ reṇusamaṣṭyā vihitaṃ daivam ।
ambarasaudhe nihitaṃ daivaṃ bhairavavadanā’bhihitaṃ daivam ॥ 3॥
asurucipadyābhūtaṃ daivaṃ vasurudrārkairgītaṃ daivam ।
kṣitijalaśuciṣu protaṃ daivaṃ śitamatibhiḥ samadhītaṃ daivam ॥ 4॥
mṛduhṛdayānāṃ saumyaṃ daivaṃ priyarūpāṇāṃ ramyaṃ daivam ।
tattvajñānāṃ viśvaṃ daivaṃ guṇavirucīnāṃ śūnyaṃ daivam ॥ 5॥
cālakamavaneḥ śaktyā daivaṃ śampādvārā dṛśyaṃ daivam ।
dogdhrīmanuvaravācyaṃ daivaṃ vidadhadvinatamaśocyaṃ daivam ॥ 6॥
śaile śaile viharaddaivaṃ vipine vipine vicaraddaivam ।
grāme grāme khyātaṃ daivaṃ nagare nagare prathitaṃ daivam ॥ 7॥
parito vyomni nirākṛti daivaṃ svarge paulomyākṛti daivam ।
himavati gaurīrūpaṃ daivaṃ tanuṣu prāṇākāraṃ daivam ॥ 8॥
ardhaṃ suragiridhanuṣo daivaṃ bhuvanatritaye pūrṇaṃ daivam ।
hṛdi bhūtānāṃ kiñciddaivaṃ tṛṇavanmanasi pracuraṃ daivam ॥ 9॥
lajjābhāvo lalitaṃ daivaṃ rasanābhāvo bhīmaṃ daivam ।
dṛṣṭau dṛṣṭau sūkṣmaṃ daivaṃ viṣaye viṣaye sthūlaṃ daivam ॥ 10॥
stotre stotre madhuraṃ daivaṃ dhyāne dhyāne madakṛddaivam ।
namane namane varadaṃ daivaṃ carite carite pūtaṃ daivam ॥ 11॥
ākāśāmalagātraṃ daivaṃ tārāraviśaśinetraṃ daivam ।
vyāpakapavanaśvasitaṃ daivaṃ pārāvārasvedaṃ daivam ॥ 12॥
līlānārīveṣaṃ daivaṃ divyahiraṇmayabhūṣaṃ daivam ।
keṣāñcitkṛtapoṣaṃ daivaṃ keṣāñcitkṛtaśoṣaṃ daivam ॥ 13॥
poṣavidhāne śītaṃ daivaṃ śoṣavidhāne tapanaṃ daivam ।
sargavidhāne vikasaddaivaṃ pralayavidhāne mīladdaivam ॥ 14॥
somaṃ pītvā puṣṭaṃ daivaṃ dviṣato hatvā hṛṣṭaṃ daivam ।
bhuvanapralaye śiṣṭaṃ daivaṃ sarvapadārthotkṛṣṭaṃ daivam ॥ 15॥
kaulācāriṣu mādyaddaivaṃ samayācāriṣu śāntaṃ daivam ।
yogācāriṣu pīnaṃ daivaṃ jñānācāriṣu līnaṃ daivam ॥ 16॥
kāmavirodhi kalatraṃ daivaṃ gaṇapaṣaḍānanaputraṃ daivam ।
pāpavidāri pavitraṃ daivaṃ jayati munistutipātraṃ daivam ॥ 17॥
॥ iti śrībhagavanmaharṣiramaṇāntevāsino vāsiṣṭhasya
narasiṃhasūnorgaṇapateḥ kṛtā ‘ambikāgītam’ sampūrṇam ॥