Kavyakantha Sri Ganapati Muni's
Indrani Saptasati
dvitīyo rathoddhatā stabakaḥ
This Stabaka is a beautiful hymn of divine beauty, rasa, protection, and national prayer. Śrī Gaṇapati Muni invokes the smile arising from the lotus-face of Jayanta’s Mother, Śacī Devī, to wash away darkness, bless the worlds, delight Indra, and remove sin. He prays that Indrāṇī may protect Bhāratāvanī, whose people are weakened by lack of food, fear, division, loss of strength, and suffering caused by hostile forces.
The verses then describe the enchanting form of the Goddess: lotus-like hands and feet, breasts radiant like a pair of luminous wheels, a face that outshines the full moon, eyes filled with knowledge and power, red nectarous lips, a smile that destroys darkness, and hair beautiful like dark monsoon waves. Her voice brings joy to the sorrowful, and Her movement, speech, beauty, and yogic wisdom surpass all ordinary description.
A central theme of this Stabaka is Ādima Rasa, the primordial divine delight between Indra and Indrāṇī. The Muni presents the heavenly union of the Divine Couple in Nandana as the first expression of beauty, love, and rasa in the universe. Their divine play is not mere romance; it is the sacred source of joy, vitality, creativity, and cosmic harmony.
The poet humbly prays that if even a small touch of his hymn reaches the Divine Couple during their secret counsel in Nandana, his life becomes blessed. He then asks forgiveness if his cry interrupts their divine sport. The Stabaka ends with a prayer that Śacī may empower Gaṇapati Muni, the son of Narasiṃha, to remove the sorrow of Bhāratakṣiti and destroy hostile forces.
Highlights: Śacī’s smile as remover of sin; prayer for suffering Bhārata; divine form of Indrāṇī; Ādima Rasa of Indra and Śacī; Nandana as the field of divine play; Śacī as beauty, speech, love, power, and protection; prayer to empower Gaṇapati Muni for Bhārata.
Indro Viśvasya Rājati
॥ dvitīyo rathoddhatā stabakaḥ ॥
kṣālanāya haritāṃ vibhūtaye
viṣṭapasya madanāya vajriṇaḥ ।
tajjayantajananīmukhābjato
nirgataṃ smitamaghaṃ dhunotu naḥ ।। 526 ।।
annalopakṛśabhīrukaprajāṃ bhinnabhāvabalahīnanetṛkām ।
vāsavasya varavarṇinī parai
rarditāmavatu bhāratāvanim ।। 527 ।।
pāṇipādamanimeṣarājñi te pārijātanavapallavopamam ।
akṣapāvirahamaṅgabhāsari
dvāsicakramithunaṃ kucadvayam ।। 528 ।।
pūrṇacandrayaśasoऽpahārakaṃ samprasādasuṣamāspadaṃ mukham ।
jñānaśaktiruciśevadhīdṛśau raktavarṇakasudhāghanoऽdharaḥ ।। 529 ।।
mardayattimiramuddhataṃ diśāṃ alpamapyadhikavaibhavaṃ smitam ।
prāvṛḍantayamunātaraṅgava
nnīlacāruratipāvanaḥ kacaḥ ।। 530 ।।
vallakīṃ ca paruṣadhvaniṃ vadan
duḥkhitasya ca mudāvahaḥ svaraḥ ।
cāru hāvaśabalāऽlasā gatiḥ
kāyadhāmavacasāṃ na paddhatau ।। 531 ।।
yogasiddhimatulāṃ gatā mati
ścāturī ca budhamaṇḍalastutā ।
viṣṭapatritayarājyatoऽpyasi
tvaṃ sukhāya mahate biḍaujasaḥ ।। 532 ।।
tvāmudīkṣya dhṛtadevatātanuṃ dīptapakṣmalaviśālalocanām ।
ādito janani janmināmabhūd
vāsavasya ratirādime rase ।। 533 ।।
ādimaṃ rasamanādivāsanā
vāsitau prathamamanvagṛhṇatām ।
sammadasya nidhimādidampatī
soऽcalattribhuvane tataḥ kramaḥ ।। 534 ।।
jyāyasā diviṣadāṃ purātanī
nīlakañjanayanā vilāsinī ।
yadvihāramatanotprarocanaṃ tatsatāmabhavadādime rase ।। 535 ।।
na tvadamba nalinānanāऽdhikā
nāpi nākapatitoऽdhikaḥ pumān ।
nādhikaṃ ca vanamasti nandanā
nnādimādapi rasoऽdhiko rasāt ।। 536 ।।
nāyikā tvamasamānacārutā
nāyakaḥ sa marutāṃ mahīpatiḥ ।
nandanaṃ ca rasaraṅgabhūḥ kathaṃ
manmathasya na bhavedihotsavaḥ ।। 537 ।।
devi vāṃ mṛtikathaiva dūrato
jātucidgalati naiva yauvanam ।
kāṅkṣitaḥ parikaro na durlabhaḥ
kiṃ rasaḥ pariṇamedihānyathā ।। 538 ।।
viṣṭapasya yuvarājakeśave
trāṇabhāramakhilaṃ nidhāya vām ।
krīḍatoramararājñi nandane
krīḍitāni mama santu bhūtaye ।। 539 ।।
yadyuvāmamararājñi nandane
kurvato rahasi devi mantraṇam ।
tatra cenmama kṛtirmanāgiyaṃ
sparśameti bhuvi ko nu matkṛtī ।। 540 ।।
krandanaṃ yadi mameha vandino
nandane viharatoḥ savitri vām ।
antarāyakṛdathābjakānti te
sampragṛhya caraṇaṃ kṣamāpaye ।। 541 ।।
yoṣitāmapi vimohanākṛtir
mohanaṃ tu puruṣasaṃhaterapi ।
indramambaramayāṃ babhūvitha
tvaṃ rasārdrahṛdayā lasadrasam ।। 542 ।।
divyacandanarasānulepanaiḥ pārijātasumatalpakalpanaiḥ ।
cārugītakṛtibhiśca bhejire
nākalokavanadevatāśca vām ।। 543 ।।
svarṇadīsalilaśīkarokṣitāḥ pārijātasumagandhadhāriṇaḥ ।
nandane tridaśalokarājñi vāṃ
kepi bhejuralasāḥ samīraṇāḥ ।। 544 ।।
ādadhāsi sakalāṅganādhike
padmagandhini sudhādharādhare ।
mañjuvāṇi sukumāri sundari
tvaṃ surendrasakalendriyārcanam ।। 545 ।।
ādidevi vadanaṃ tavābhavat
kāntidhāma madanaṃ divaspateḥ ।
ānanādapi rasāmṛtaṃ kiran
niṣkramaṃ vilasitaṃ kalaṃ girām ।। 546 ।।
cāruvāgvilasitācca nistula
premavīciruciraṃ vilokitam ।
vīkṣitādapi vilāsaviśrama
sthānamalpamalasaṃ śucismitam ।। 547 ।।
bhāsurendradṛḍhabāhupañjarī
lajjayā sahajayā namanmukhī ।
tadvilocanavikarṣakālakā
pātu māṃ tridivalokanāyikā ।। 548 ।।
bhāratakṣitiviṣādavāraṇe
tatsutaṃ gaṇapatiṃ kṛtodyamam ।
ādadhātu paṭumarjunasmita durjanapramathanakṣamā śacī ।। 549 ।।
cāruśabdakalitāḥ kṛtīrimāḥ
satkavikṣitibhujo rathoddhatāḥ ।
sā śṛṇotu suramedinīpater
netracittamadanī vilāsinī ।। 550 ।।
॥ iti dvitīyaḥ stabakaḥ ॥