Kavyakantha Sri Ganapati Muni's
Indrani Saptasati
dvitīyo jaloddhatagati stabakaḥ
This Jaloddhatagati Stabaka is one of the most moving and powerful sections of Indrāṇī Saptasatī. It begins with a prayer that the radiant smile of Śacī Devī, Indrāṇī, the beloved of Mahendra, may remove the vast darkness within the heart. The poet then invokes Her compassionate sidelong glance to remove the misfortune of Bhāratakṣiti, which has become helpless and weakened in understanding.
The Stabaka presents a profound theological vision of the Divine Mother. Śacī is described as the intelligence of the Supreme, the sky-bodied power who sustains the universe, and the beloved power of Indra. She is identified with Aditi in the Prajāpati tradition, Ramā in the Janārdana tradition, Śivā in the Sadāśiva tradition, Uṣā, Svadhā, and Śacī in the Indra tradition. Thus, the Muni shows that all these divine names point to the one supreme Conscious Power.
The middle verses declare that sky, wind, sound, lightning, the sun, moon, fire, water, and earth are all expressions of the splendour of the Divine Couple — the Supreme and His Śakti. Even though the Mother is beyond form in the transcendent sky, She assumes forms according to the devotion and understanding of worshippers.
The most significant portion of this Stabaka is the repeated surrender: “tavāmba caraṇaṃ vrajāmi śaraṇam” — “O Mother, I take refuge in Your feet.” Here Śrī Gaṇapati Muni speaks not merely for himself, but for Bhārata. He laments the divided society, loss of strength, poverty, loss of heroic spirit, decline of ṛṣi-tradition, and the rise of adharma in Kali Yuga. In all these conditions, he turns only to the feet of the Mother as the final refuge.
The Stabaka concludes with a prayer that She may restore lost splendour to the motherland and make Gaṇapati Muni’s hands capable of serving and protecting Bhārata. It is a hymn of surrender, national revival, dharmic courage, and Śakti’s grace.
Highlights: Śacī as Aditi, Ramā, Śivā, Uṣā, Svadhā and Indrāṇī; unity of divine names; universe as Her vibhūti; surrender to the Mother’s feet; prayer for Bhārata’s protection, strength, prosperity, and revival of ṛṣi-heritage.
Indro Viśvasya Rājati
॥ dvitīyo jaloddhatagati stabakaḥ ॥
haritsu paritaḥ prasādamadhikaṃ dadhānamamalatviṣāṃ prasaraṇaiḥ ।
mahendramahilāvilāsahasitaṃ
madantaratamo dhunotu vitatam ।। 626 ।।
prasūtrijagataḥ priyā maghavataḥ
kṛpākalitayā kaṭākṣakalayā ।
nitāntamagatervikuṇṭhitamater
dhunotu bharatakṣiterakuśalam ।। 627 ।।
purā śaci matistvamīśituratho
nabhastanumitā pṛthaṅmatimatī ।
anantaramabhūḥ sarojanayanā
tanuḥ surapatervilocanasudhā ।। 628 ।।
paratra viguṇā satoऽsi dhiṣaṇā
nabhastanuriha prapañcamavasi ।
asi svarabalā priyā surapate
riyattava śaci svarūpakathanam ।। 629 ।।
prajāpatipade purāṇapuruṣe
smṛtā tvamaditiḥ surāsuranute ।
janārdanapade ramāsi parame
sadāśivapade śivā tvamajare ।। 630 ।।
uṣā inapade svadhāऽnalapade
purandarapade tvamīśvari śacī ।
yathā rucividuḥ padāni kavaya
ścitiśca citimānyuvāmṛjugirā ।। 631 ।।
ameyamamalaṃ purāṇapuruṣaṃ tadīyavibhavābhidhāyibhirime ।
vadanti kavayaḥ padairbahuvidhai
stathaiva bhavatīṃ tato matabhidāḥ ।। 632
nabhaśca pavanaḥ svaraśca parama
staṭicca vitatā patiśca mahasām ।
sudhāṃśuranalo jalaṃ ca pṛthivī
savitri yuvayorvibhūtipaṭalī ।। 633 ।।
apārabahulapramodalaharī
sataḥ kilacitiḥ paratra vitatā ।
punarviyadidaṃ parītya nikhilaṃ
jaganti dadhatī parā vijayate ।। 634 ।।
na yadyapi parātpare nabhasi te
sarojanayanā vapuḥ pṛthagaje ।
tathāpi namatāṃ matīranusaran
tyameyavibhave dadhāsi ca tanūḥ ।। 635 ।।
saha tribhuvanaprapālanakṛtā
samastamarutāṃ gaṇasya vibhunā ।
sadā śaśimukhī śarīrabhṛdajā
jagatyadurite śacī vijayate ।। 636 ।।
kulaṃ bahubhidaṃ balaṃ na bhujayoḥ
kathaṃ nu vipadastarīma bharatāḥ ।
samarthamadhunā vipadvidhutaye
tavāmba caraṇaṃ vrajāmi śaraṇam ।। 637
samastamapi ca svadeśaviduṣāṃ
vidhānapaṭalaṃ babhūva viphalam ।
abhāgyadamanakṣamaṃ tadadhunā
tavāmba caraṇaṃ vrajāmi śaraṇam ।। 638 ।।
nijo mama jano nitāntamagatirna kukṣibharaṇeऽpyayaṃ prabhavati ।
maheśvari kṛpāmarandamadhunā
tavāmba caraṇaṃ vrajāmi śaraṇam ।। 639 ।।
adṛṣṭakanakaṃ kulaṃ mama cirā
nnirāyudhamidaṃ nirāśamabhitaḥ ।
svabhāvata iva prabaddhamabhavat
tavāmba caraṇaṃ vrajāmi śaraṇam ।। 640 ।।
avīracaritaṃ vipālakakathaṃ
nirārṣavibhavaṃ cirānmama kulam ।
idaṃ mama mano nikṛntati muhu
stavāmba caraṇaṃ vrajāmi śaraṇam ।। 641 ।।
cirātsmṛtipathādapi cyutamaje
tapobalabhavaṃ tamārṣavibhavam ।
svadeśamadhunā punargamayituṃ
tavāmba caraṇaṃ vrajāmi śaraṇam ।। 642 ।।
hataṃ ca vihataṃ dhutaṃ ca vidhutaṃ rudantamabhito viśiṣṭakaruṇe ।
imaṃ svaviṣayaṃ śivaṃ gamayituṃ
tavāmba caraṇaṃ vrajāmi śaraṇam ।। 643 ।।
kṣayāya sukṛtadviṣāṃ viharatāṃ
śivāya ca satāṃ prapañcasuhṛdām ।
nijasya manaso balāya ca pare
tavāmba caraṇaṃ vrajāmi śaraṇam ।। 644 ।।
jayatsu sukṛtaṃ dviṣatsu paritaḥ
satāmapi kule balena rahite ।
khalapriyayuge kalau pariṇate
tavāmba caraṇaṃ vrajāmi śaraṇam ।। 645 ।।
abhāti sukṛte nigūḍhavibhave
vibhāti durite phalāni diśati ।
vidhānavikale manasyabhayade
tavāmba caraṇaṃ vrajāmi śaraṇam ।। 646 ।।
paṭau pratibhaṭe gade pratibhaye natāvanavidhāvatīva nipuṇam ।
suparvabhuvanakṣitīśadayite
tavāmba caraṇaṃ vrajāmi śaraṇam ।। 647 ।।
amartyapaṭalīkirīṭamaṇibhā
bhujaṅgakiraṇaṃ nitāntamaruṇam ।
vipattidamanaṃ tamaḥ praśamanaṃ
tavāmba caraṇaṃ vrajāmi śaraṇam ।। 648 ।।
vinaṣṭavibhavāmimāṃ punarapi
śriyāvilasitāṃ vidhātumajare ।
svajanmapṛthivīṃ svarīśadayite
diśergaṇapateḥ karāya paṭutām ।। 649 ।।
suparvavasudhādhināthasudṛśo jaloddhatagatistavoऽyamanaghaḥ ।
kṛtirgaṇapateḥ karotu vidhutiṃ
bhayasya bharatakṣamātalajuṣām ।। 650 ।।
॥ iti dvitīyaḥ stabakaḥ ॥