काव्यकण्ठ वासिष्ठ श्री गणपति मुनि विरचितम्
उमासहस्रम्
एकोनचत्वारिंशः स्तबकः - इन्द्रवज्ज्रावृत्तम्
“प्रायो व्योमशरीरा” — अर्थात् “मुख्यतः आकाश-विस्तार को ही शरीर के रूप में धारण करने वाली देवी” शीर्षक वाला यह उनतालीसवाँ स्तबक उमा सहस्रम् की मूल दृष्टियों में से एक — सम्पूर्ण विश्व को व्याप्त करने वाली अपरिमित पराशक्ति के रूप में देवी के स्वरूप — को पुनः सामने लाता है। मुनि बिजली में, गर्जन में, सूर्याग्नि में, चन्द्रप्रकाश में, वृद्धि और क्षय में, गति में, बुद्धि में, धैर्य में तथा समस्त प्राणियों में कार्यरत प्रत्येक शक्ति में उन्हीं का दर्शन करते हैं।
उनकी अनन्त व्यापकता की तुलना में असंख्य लोक भी अत्यन्त सूक्ष्म प्रतीत होते हैं। इसलिए प्रायो व्योमशरीरा शीर्षक पूर्णतः सार्थक है। देवी केवल आकाश में निवास करने वाली नहीं हैं; जिस अपरिमित विश्व-विस्तार में लोक उत्पन्न होते हैं, विकसित होते हैं और अन्ततः लीन हो जाते हैं, वही उनका विराट् शरीर है — यह भाव पूरे स्तबक में बार-बार प्रकट होता है।
इसके बाद श्लोक स्वाभाविक रूप से विश्वशक्ति की दृष्टि से अन्तर्योग और मन्त्रसाधना की ओर बढ़ते हैं। बाहर बिजली और विश्वशक्ति के रूप में प्रकाशित होने वाली वही देवी शरीर में कुण्डलिनी, सहस्रार में सोमस्वरूपिणी तथा प्राण, ध्यान और मन्त्र के माध्यम से अनुभव की जाने वाली अन्तरशक्ति बन जाती हैं। मूलाधाराग्नि का जागरण, शिरःप्रदेश के चन्द्रसार का पिघलकर प्रवाहित होना, अन्तरंग दहर में प्रवेश तथा विधिपूर्वक मन्त्र-उपासना द्वारा मुक्ति की प्राप्ति — ऐसी योगिक प्रक्रियाओं का मुनि वर्णन करते हैं। साथ ही एक महान् मौनगुरु से प्रत्यक्ष रूप से प्राप्त अत्यन्त रहस्यमयी पञ्चदशाक्षरी विद्या का श्रद्धापूर्वक उल्लेख करके वे विश्वतत्त्व, सूक्ष्मशरीर-योग और जीवित गुरु-परम्परा — इन तीनों को एक ही आध्यात्मिक दृष्टि में जोड़ देते हैं।
इस स्तबक में श्री गणपति मुनि का विश्वतत्त्व, शाक्ततन्त्र, मन्त्रशास्त्र, कुण्डलिनीयोग और सांकेतिक समन्वय पर असाधारण अधिकार विशेष रूप से दिखाई देता है। वे स्थूल विश्व और सूक्ष्म विश्व के बीच निरन्तर सम्बन्ध स्थापित करते हैं: बाह्य जगत् में जो शक्ति विद्युत् के रूप में दिखाई देती है, वही शरीर में कुण्डलिनी और देवतत्त्व में भवानी के रूप में प्रकट होती है। इस प्रकार वे स्पष्ट करते हैं कि एक ही शक्ति विभिन्न स्तरों पर भिन्न-भिन्न नाम और रूप धारण करके कार्य करती है।
गम्भीर इन्द्रवज्रा छन्द इस स्तबक के विश्ववैभव और अनुशासित योगोपदेश — दोनों के लिए अत्यन्त उपयुक्त है। इस स्तबक के माध्यम से मुनि अपनी विशिष्ट समन्वय-दृष्टि को पुनः प्रतिष्ठित करते हैं: आकाश के समस्त विस्तार को व्याप्त करने वाली अपरिमित पराशक्ति, साधक के भीतर जागृत होने वाली अन्तरशक्ति और गुरु-दीक्षा द्वारा प्रकट होने वाली मन्त्रदेवता — ये सभी अन्ततः एक ही दिव्यमाता की विभिन्न अभिव्यक्तियाँ हैं।
एकोनचत्वारिंशः स्तबकः - इन्द्रवज्ज्रावृत्तम्
प्रायो व्योमशरीरा
व्याप्येदमिन्दोर्भुवनं य एव प्रायेण तस्यामलचन्द्रिकाऽभूत् ।
मन्दस्तवार्तिं स धुनोतु हासो निःशेषलोकेश्वरवल्लभायाः ।। ९५१।।
पूर्णे वियत्येकतटिज्ज्वलन्ती लोकानशेषाननिशं पचन्ती ।
मेघे कदाचिन्महसा स्फुरन्ती चण्डी प्रचण्डा हरतादघं नः ।। ९५२ ।।
गोलानि कान्यप्यधुनोद्भवन्ति जीर्यन्ति कान्यप्यखिलेशकान्ते ।
यान्त्यम्बिके कान्यपि वृद्धिमत्र पाके भवत्याः परितः प्रवृत्ते ।। ९५३ ।।
भासां विनेत्रा महता ग्रहैश्च भूरिप्रमाणैर्युतमीशकान्ते ।
एकैकमण्डं तव लोमवच्चेत् कस्ते महद्भाग्यमिह ब्रवीतु ।। ९५४ ।।
नाथस्य ते रूपमणोरणीयो मातस्त्वदीयं महतो महीयः ।
जानाति यो देवि रहस्यमेतद् व्याख्यातुमेष प्रभवत्यशेषम् ।। ९५५।।
यद् गर्जितं वारिदघर्षणेषु शब्दस्तवायं सुगभीरघोषः ।
यल्लोकराज्ञि स्फुरितं तदेतदुज्जृम्भितं किञ्चन कान्तिवीचेः ।। ९५६ ।।
इन्द्रस्य वज्रं ज्वलितं कृशानोर्ज्योतिस्सहस्रच्छदबान्धवस्य ।
पीयूषभानोर्हसितं विसारि जीवस्य चक्षुर्मम ता त दैवम् ।। ९५७ ।।
यस्यैव तेजः प्रविभक्तमर्कविद्युच्छशाङ्कानललोचनेषु ।
गूढं तदाकाशगृहे समन्तादन्तानभिज्ञं प्रणमामि दैवम् ।। ९५८ ।।
जाग्रत्सु बुद्धिर्निमिषत्सु निद्रा शुष्केषु पक्तिस्तरुणेषु वृद्धिः ।
धीरेषु निष्ठा चपलेषु चेष्टा देवी ममापत्तिमपाकरोतु ।। ९५९।।
विद्यावतो वादविधानशक्तिर्वीरस्य सङ्ग्रामविधानशक्तिः ।
नारीमणेर्मोहविधानशक्तिर्लेशत्रयं किञ्चिदापारशक्तेः ।। ९६० ।।
उत्साहयन्ती तपतां मनांसि सञ्चोदयन्ती च महाक्रियासु ।
सङ्क्षोभयन्ती हृदयं खलानां सम्मोहयन्ती च पराऽवतान्नः ।। ९६१ ।।
सञ्चालयन्ती सकलस्य देहं व्यानस्य शक्त्या परितो लसन्त्या ।
जेतुः प्रतापेऽस्ति पलायनेऽस्ति भीतस्य चेयं निखिलेशशक्तिः ।। ९६२ ।।
एकं स्वरूपं बहुचित्रयोगात् सन्दर्शयन्ती विविधं जनेभ्यः ।
सम्यग्दृशे स्वं विभुमर्पयन्ती सर्वादिमायैव महेशजाया ।। ९६३।।
यस्संश्रयेताखिलसङ्गतिस्त्वां ध्यानेन मन्त्रेण गुणस्तवैर्वा ।
त्रैलोक्यसाम्राज्यधुरन्धरस्य शुद्धान्तकान्ते स कृती मनुष्यः ।। ९६४ ।।
मूलाग्निमुद्दीप्य शिरश्शशाङ्कं सन्द्राव्य यस्तर्पयते कृती त्वाम् ।
तस्मिन्नगाधीश्वरकन्यके त्वं प्रादुर्भवन्ती न किमादधासि ।। ९६५।।
यस्त्वां सहस्रारसरोजमध्ये सोमस्वरूपां भजतेऽम्ब योगी ।
तस्यान्तरः शान्तिमुपैति तापो बाह्यस्य का नाम कथाऽल्पकस्य ।। ९६६।।
दण्डेन योऽन्तर्दहरेऽवतीर्णः प्राणेन वाचा महसा धिया वा ।
प्राप्नोति सोऽयं पुरमद्वितीयं यत्र त्वमीशा सह चित्रलीला ।। ९६७ ।।
तन्त्रोदितं विश्वविनेत्रि मन्त्रं यस्ते नरः संयमवानुपास्ते ।
रुद्राणि सान्द्राम्बुदकेशपाशे पाशैर्विमुक्तः स जयत्यशेषम् ।। ९६८ ।।
पद्मासनो द्वादशवर्णशान्ती दम्भोलिपाणिर्भुवनाधिनाथा ।
गीर्वाणमार्गो भृगुरब्जयोनिरन्ते तथाग्रे च हलां विराजी ।। ९६९ ।।
जम्भस्य हन्ताऽनलशान्तिचन्द्रैः संयुक्त ऊष्मा गलदेशजन्मा ।
दन्तस्थलीसम्भव ऊष्मवर्णो वाणीपतिर्वज्रधरश्च लज्जा ।। ९७० ।।
विद्या त्वियं पञ्चदशाक्षराढ्या साक्षान्महामौनगुरूपदिष्टा ।
गोप्यासु गोप्या सुकृतैर वाप्या श्रेष्ठा विनुत्या परमेष्ठिनाऽपि ।। ९७१।।
देहेष्वियं कुण्डलिनी न्यगादि भूतेषु विद्युद् भुवनेषु चाभ्रम् ।
देवाङ्गनामस्तकलालिताङ्घ्रिर्देवी भवानी खलु देवतासु ।। ९७२।।
चक्षुर्विधायाचलमन्तरेण प्राणं प्रपश्यन् मनुवर्णरूपम् ।
संसेवते चेत्सकलस्य धात्रीं सर्वेष्टलाभो विदुषः करस्थः ।। ९७३।।
एकाक्षरीः पञ्चदशाक्षरीं वा विद्याः प्रकृष्टाः सकलेशशक्तेः ।
यो भक्तियुक्तः प्रजपेदमुष्य प्राणो वशे निस्तुलसिद्धियोनिः ।। ९७४।।
एताः कवीनां पदकिङ्करस्य पूताः प्रमोदं परमावहन्तु ।
गीतास्सभक्तिद्रवमिन्द्रवज्राः श्वेताचलाधीश्वरवल्लभायाः ।। ९७५॥